This is an excerpt from Two Fifteenth-Century Cookery-Books
The original source can be found at the University of Michigan's "Corpus of Middle English Prose and Verse"
xij - Fride Creme of Almaundys. Take almaundys, an stampe hem, an draw it vp wyth a fyne thykke mylke, y-temperyd wyth clene water; throw hem on, an sette hem in the fyre, an let boyle onys: than tak hem a-down, an caste salt ther-on, an let hem reste a forlongwey (Note: Other MS. forlange.) or to, an caste a lytyl sugre ther-to; an than caste it on a fayre lynen clothe, fayre y-wasche an drye, an caste it al a-brode on the clothe with a fayre ladel: an let the clothe ben holdyn a-brode, an late all the water vnder-nethe the clothe be had a-way, an thanne gadere alle the kreme in the clothe, an let hongy on an pyn, and let the water droppe owt to (Note: two.) or .iij. owrys; than take it of the pyn, an put it on a bolle of tre, and caste whyte sugre y-now ther-to, an a lytil salt; and 3if it wexe thikke, take swete wyn an put ther-to that it be no3t sene: and whan it is I-dressid in the maner of mortrewys, take red anys in comfyte, or the leuys of borage, an sette hem on the dysshe, an serue forth.
Other versions of this recipe:
Fried creme de almondes (Two Fifteenth-Century Cookery-Books)