MC Logo

Brawn Ryall


This is an excerpt from Recipes from the Wagstaff Miscellany
(England, 1460)
The original source can be found at MedievalCookery.com

Brawn ryall. Take the soundes of stokfisch dry & lay hem in watyr iij days & every day change the watyr than take hem up & lay hem on a bord & scharpe hem clene withe the egge of a knyf wesch hem & sethe hem in fayre watyr then take hem up & sethe hem in broth of fresch fysch as of conger til they be tendyr or als in the same watyr and put ther to elys to amend the broth then take blaunch almondys grynd hem with the same broth hote & make up the soundes & grynd hem wyth the same broth & yf thu wilt thu may take som of the elys ther to & temper hem up with the broth hote draw hit as hote as thu may suffyr thy hond ther yn thu mau make hit in al maner as thu makyste brawn of flesch. And yf thu wilt seson hit with the white of eyron breke hem at the grete ende & do out al that ys in the eye wesch the shell drye hem & sett hem on the salt upryght & put ther yn som of the white braune take som of the same braun colourd with safron & medlyd with poudres put ther yn pepenys of the gretnys of a neye yolke & fil hit with the braun that hit stond full when hit ys cold peyl of the shyll set hit in salt as eggez or in crispis and pych hem with clovys a bovyn iiij or v & fill up with blaunch poudyr & serve hem forthe in the stede of egges in he same maner thu may do with brawn in flesch tyme or thu may yf hit somdell of poudyr of gynger & chaunge the colour as thu dedyst braun in flesch tyme.

autodoc





Home : Recipes : Menus : Search : Books : FAQ : Contact