MC Logo

Brawn Ryal Brawn Sypres Brawn Bruse

This is an excerpt from Recipes from the Wagstaff Miscellany
(England, 1460)
The original source can be found at

Brawn ryal brawn sypres brawn bruse. Take fresh brawn boyle hit in fayre watyr till hit be tendour blanche almondys grynd hem draw hem up with the same broth & a perty of wyn as hote as thu may than make thu milke hote & do thy brawn in a streynour hot & draw hit with the mylke hott do ther to sygure a grete dele venyger set hit on the fyre boyle hit salt hit do hit in a vessel when hit ys cold yf thu nowte have hit out of the vessel with out hote watyr or a ghenst the fyre ley a cloth on a bord & turne the vessell upsodowne ther on & schake the vessell that hit falle oute cut ther in the lech & serve hit forthe iij or iiij in a dysch & strew on poudyr of gynger or paryd gynger mynsyd with anneyce clovys macys & annys in confite yf thu wilt thu may draw som ther of with the same broth & with a perty of wyne with out mylke colourd as bryght as lambur with any colour safr saffron hem when hit ys cold & floresch that othir ther with or els thu mayst cut that othir hit in leches as thu doste that othir & serve hit forth in same maner or thy may turne hit in othir colour yf thu wilt have a grene draw hit with mylke of almonds in to a morter & safron ther with or els put safron when hit ys growndyn muche or lytyll aftur thu wylt make thi colour & colour hit ther with when thu takysthit from the fyre & do ther with as thu dedyst with the todyr and yf thy wile thu may do ther yn poudres or thu may put ther yn a grete quantyte of canell & of gynger & of sawndres to make hit brown & serve hit forthe in the same maner or yf thu wilt thu may take tursele & wesch hit & grynd hit well in wyn that thu sesonyste hit up withe and when hit ys boylyd coloure hit up with bloure sangueyn whethir thu wilt & do ther with as thu dedist with the tothyr or thu may yf thu wilt when thu takyst hit fro the fyre & have al seson hit have brawn sodyn tendyr & when hit ys cold cut hit in leches or dyse hit & cast hit in the pott & stere hit to gedyr & put hit in to that othyr pott vessell when hit ys cold lech hit & do ther with as thu dodyst with that othir & serve hit forth.


Home : Recipes : Menus : Search : Books : FAQ : Contact