MC Logo

A Colde bakyn Mete

This is an excerpt from Recipes from the Wagstaff Miscellany
(England, 1460)
The original source can be found at

A colde bakyn mete. Grynd reysons & yf thu wilte thu may boyle fegys & grynd hem ther with & temper hem up ther with sewte wyne as chargeaunt as thu may do ther to clovys macys pynes corauns datys mynsyd sygure & salt set hit on the fyre stere hit well when hit boyleth take hit of have small cofyns with low brerdys bakyn by fore & endore the brerdys with & fyll hem with safron & syryp & florych hit with anneys in confite & yf thu wilte thu may take cornels of walchnotys pike of thy skyn make hem as clene as thu may and as white he in a lytyll safron watyr set a pyn or a nedyll in hem & hold hem upryght in thy hond let not hem be to wete & ley goldfayle with that othir hond with a thyng made ther fore & blow ther on esyly with thy mouth & that shall make thy gold to a byde & so thu may gylt ovir & florich thy bakyn mete ther with and so thu may florich eny colde mete that ys bakyn & thu may make hit in a potage yf thu wilt that ys colde.


Home : Recipes : Menus : Search : Books : FAQ : Contact