Search Results

This is an excerpt from Two Fifteenth-Century Cookery-Books
(England, 1430)
The original source can be found at the University of Michigan's "Corpus of Middle English Prose and Verse"

Prenade. (Note: Called Brewes in D)--Take wyn, and put hit in a potte, and clarefied honey, sawndres, pouder of peper, Canel, Clowes, Maces, Saffron, pynes, myced dates, and reysons, And cast thereto a litul vinegre, and sette hit ouer the fire, and lete hit boyle; and seth figges in wyn and grynde hem, and draw hem thorgh a streynour, and cast thereto, and let boile al togidre. And then take floure, saffron, sugur, and faire water, and make faire kakes, and late hem be thyn ynogh; And then kutte hem like losinges; And then caste hem in faire oyle, and fry hem a litul while; And then take hem vp oute of the pan, and caste hem to the wessell with the sirippe, altogidre, in a dissh; And therefore thi sirripe most be rennyng ynow, and no3t to stiff; and so serue it forth fore a good potage, in faire disshes all hote.

Other versions of this recipe:

To mak Breney (A Noble Boke off Cookry)

Bryndons (Two Fifteenth-Century Cookery-Books)