MC Logo

For To Make A Compost

This is an excerpt from Liber cure cocorum [Sloane MS 1986]
(England, 1430)
The original source can be found at Thomas Gloning's website

For to make a compost. Take þo chekyns and hew hom for þo seke, All but þe hede and þe legges eke. Take a handfulle of herb lovache, And anoþer of persely, als Of sage þat never was founde fals, And noþer of lekes and alle hom wasshe Þose herbes in water, þat rennes so rasshe. Breke þorowghe þy honde, bothe herbe and leke, With a pynt of hony enbeny hom eke, Summe of þese herbes þou shalle laye In þe pottus bothun , as I þe say. Summe of þe chekyns þou put þerto, And þen of þe herb3 do to also. So of þo ton so of þat oþer, Þo herb3 on þe last my dere brother. Above þese herbus a lytul larde Smalle myncyd, haldand togeder warde. Take powder of gynger and canel god wone, Cast on þese oþer thynges everychon. Be sle3e and powre in water þenne To myd þo pot, as I the kenne. Opone þo bruys poure hit withinne, And cover hit þat no hete oute wynne, And tendurly seyth hit þou do may, Salt hit, serve hit, as I þe say.


Other versions of this recipe:

COMPOST (Forme of Cury)

Compast (Fourme of Curye [Rylands MS 7])


To mak compost (A Noble Boke off Cookry)

Compost (pickle) good and perfect (Libro di cucina / Libro per cuoco)

Peris in compost (Two Fifteenth-Century Cookery-Books)

Home : Recipes : Menus : Search : Books : FAQ : Contact