MC Logo

For A pye

This is an excerpt from Liber cure cocorum [Sloane MS 1986]
(England, 1430)
The original source can be found at Thomas Gloning's website

For a pye. Fyrst sly þy capon over þo ny3ght, Plump hym in water wher he is dy3t, Alle wallande hote anon take oute Þo capone to drye, with outen dowte. Þy stuffe of fressh befe mynse þou schalle With wyne or verius or salt with alle, To temper þat stuffe, and suet take þen Of þe same befe hakked I ken, That suet þou coloure wiþ safroune wele In a dysshe by hit selfe, as I þe telle. Þen lay þy capon in coffyn fyne, A mawdelarde þerby and wodcockys twyne, Put in þy stuffe er þou more done, With an hen egge 3olkes set hit anon, Þen take þy suet þat coloured was wele, Mynge hit above, so have þou cele. Þen coloure þy capon with safroune, dore With a feder, with a fayre feder, as I þe lore, Sethyne, with clovyn dates ry3t, With maces and quibibis he shalle be dy3t. Cloves and graynys þou take þer to And raysyns of corauns for3ete not. þo Close on þy lyd and pynche hym þen, And bake hym forthe, as I þe ken.


Home : Recipes : Menus : Search : Books : FAQ : Contact