MC Logo

Explicit Hic Quartus Passus

This is an excerpt from Liber cure cocorum [Sloane MS 1986]
(England, 1430)
The original source can be found at Thomas Gloning's website

Explicit hic quartus passus. Of petecure I wylle preche. What falles þer to 3ow wylle I teche. Fore pore menne þys crafte is tolde Þat mowon not have spysory, as þay wolde. For hit is nede to gode, to ken men gode As wele þe pore as ryche by þo rode. Þerfore to telle you I am set, Fyrst what herb3, with owtene let, Ben gode to potage I wolle 3ow lere. Þou take þe crop of þo rede brere, Rede nettel crop, and avans also, Þo prymrol, violet, þou take þerto Town cresses, and cresses þat growene in flode, Clarray saveray and tyme gode wone, Persoley, wortes, oþer herb3 mony wone. Alle þese erbs þou no3t forsake, But lest of prymrol þou shalle take. Rede cole hane parte of potage is, Fro Iuny to Sayn Iame tyde, iwys, Þenne leve his stade to My3ellis eve, And þen bygynnys hit to releve. Þen þoroughe þe wyntur his curse schal holde, Neghe lentone seson þat porray be bolde.


Home : Recipes : Menus : Search : Books : FAQ : Contact